Udhëzues për sindikatat për angazhimin me punëtorët LGBTI+ në Ballkanin Perëndimor

Topic - Business / Employment

Country - All Countries / International / Regional

Resource Type - Best Practice / Guideline / Manual / Recommendation

Language - ALBANIAN

Year - 2022

Download File - Udhezues-per-sindikatat-per-angazhimin-me-punetoret-LGBTI-ne-Ballkanin-Perendimor.pdf

Që nga viti 2018, ERA i është përkushtuar uljes së sfidave me të cilat përballen personat LGBTI+ në aksesin e të drejtave të tyre social-ekonomike. Studimet tregojnë se të drejtat e punëtorëve në rajonin e Ballkanit Perëndimor janë shumë larg të qenurit të mbrojtura. Ata janë të parët në radhë që goditen nga masat shtrënguese, pandemitë dhe punëdhënësit shfrytëzues. Kur shtohet elementi i diskriminimit në bazë të orientimit seksual, identitetit gjinor apo karakteristikave të seksit, sfidat rriten. Kështu, për të mbrojtur në mënyrë efektive të drejtat e punëtorëve, është e nevojshme të fillohet të mendohet dhe të veprohet përmes syve të atyre që janë më të margjinalizuar, duke përfshirë personat LGBTI+, personat me aftësi të kufizuara, njerëzit e varfër ose njerëzit që vijnë nga pakicat etnike. Të gjitha këto grupe janë pjesë përbërëse e shoqërisë, e marrëdhënieve të punës dhe e luftës për të drejtat e punëtorëve.
Raportet e publikuara nga organizatat rajonale dhe ndërkombëtare tregojnë pozita të kon- siderueshme të pafavorshme për punëtorët LGBTI+ në krahasim me të tjerët. Sondazhi i Bankës Botërore dhe ERAs i vitit 2018 tregon se 41% e personave LGBTI+ kishin qenë dëshmitarë të qëndrimeve, komenteve dhe sjelljeve negative ndaj kolegëve LGBTI+, 14% kishin përjetuar personalisht komente ose sjellje të tilla dhe 16% kishin përjetuar trajtim të pabarabartë në lidhje me kushtet ose përfitimet e punësimit. Duke marrë parasysh faktin se vetëm 24% e punëtorëve LGBTI+ janë të hapur në vendin e tyre të punës në nivel ra- jonal (që është më i lartë se në rastin e Bosnje dhe Hercegovinës, Kosovës, Malit të Zi dhe Maqedonisë së Veriut). Për më tepër, nën ndikimin e stigmës së përgjithshme, përjashtimit dhe diskriminimit në shoqëri, si dhe përfaqësimit të kufizuar politik të personave LGBTI+, sindikatat në rajon nuk i përfshijnë personat LGBTI+ në programet ose procedurat e tyre të brendshme. Kështu, të drejtat e punëtorëve LGBTI+ mbeten të pambrojtura edhe pse ata kontribuojnë drejt ekonomisë dhe zhvillimit si të gjithë punëtorët e tjerë.

Në vitin 2021, ERA në bashkëpunim me organizatat Solidarity Centre, Solidarnost dhe ak- torë të tjerë rajonalë, ka organizuar trajnime dhe seminare për sindikatat në Ballkanin Perën- dimor. Gjatë këtyre aktiviteteve, sindikatat u treguan të hapura për të çuar përpara punën e tyre, dhe për të kuptuar e përfaqësuar më mirë nevojat e punëtorëve LGBTI+ në përputhje me rrethanat. Për më tepër, ata pranuan se shumica e tyre përballen me mungesë burimesh dhe njohurish për këtë temë. Në periudhën 2019-2020 ERA kreu një vlerësim nevojash me përfaqësues të sindikatave nga i gjithë rajoni i Ballkanit Perëndimor. Pothuajse të gjithë shprehën nevojën për burime dhe materiale për çështjet e punonjësve LGBTI+, për trajnime dhe seminare me komunitetin LGBTI+ dhe për të ditur se si mund të ndihmojnë komunitetin nga këndvështrimi i tyre.
Prandaj, ky udhëzues është zhvilluar nga ERA për të ofruar akses më të lehtë në informa- cion mbi të drejtat e punëtorëve LGBTI+ për drejtuesit e sindikatave dhe anëtarët e tyre në rajonin e Ballkanit Perëndimor. Udhëzuesi do të përfshijë informacion mbi nevojat dhe shqetësimet specifike me të cilat përballen punëtorët LGBTI+ dhe do të ndajë praktikat e mira globale dhe rajonale për angazhimin e sindikatave me të drejtat e punëtorëve LGB- TI+. Praktika të tilla tregojnë se angazhimi sindikal në këtë temë është jashtëzakonisht i rëndësishëm dhe i dobishëm për të dyja komunitetet. Dhe kjo është e rëndësishme si nga këndvështrimi i të drejtave të një punonjësi, ashtu edhe në baza morale dhe etike, sepse personat LGBTI+ kanë të drejtë të jetojnë në liri dhe dinjitet si gjithë të tjerët.

Udhëzues për sindikatat për angazhimin me punëtorët LGBTI+ në Ballkanin Perëndimor

Related Publications